ဤBlog သည့် ကျွန်ုပ် နှစ်သက်မိသော စာအုပ်စာပေ နှင့် အတွေးအမြင် များကို သိမ်းဆည်းထားသည့် အထွေထွေအွန်လိုင်းမှတ်စုစာအုပ်တစ်အုပ်မျှသာဖြစ်ပါသည်..ရောက်ရှိလာသော သူငယ်ချင်းများ မင်္ဂလာရှိသော နေ့လေးဖြစ်ပါစေ..

Tuesday, November 8, 2016

Facilitation skill ဟူသည်




-Facilitation skill ဟူသည် အဘယ်နည်း?
-ဆွေးနွေးပွဲ(သို့)အစည်းအဝေး တခု အဆင်ပြေချောမွေ့စေရန် ဘယ်လိုစီမံမလဲ၊ဘာတွေ လိုအပ်သလဲ?



၁။ Facilitation ဆိုတာ ဘာလဲ

ဖြစ်စဉ်တစ်ခုကို အဆင်ပြေချောမွေ့အောင် လုပ်ပေးတာလို့ နားလည်ထားရင် ရပါတယ်။
ဆွေးနွေးပွဲတစ်ခ
ု လုပ်တယ်၊ အဲဒီမှာ Facilitator လုပ်သူက ပါဝင်ဆွေးနွေးတဲ့သူတွေဆီကနေ သူတို့ကျွမ်းကျင်မှုအလိုက်၊ အတွေ့အကြုံအလိုက် လူအများသိသင့်သိထိုက်တာတွေ ပြောလာအောင် မေးခွန်းတွေမေးမယ်၊ ဘေးထွက်သွားရင် ပြန်တည့်ပေးမယ်၊ အချိန်ကျော်နေရင် သတိပေးမယ်၊ တကယ့် Key message ကို အနှစ်ချုပ်ပေးမယ်၊ ဒါတွေလုပ်ပေးရပါတယ်။
Facilitator ကောင်းရင် ကောင်းသလို အဲဒီဆွေးနွေးပွဲက အကျိုးရှိတတ်၊ မြိုင်တတ်သလို၊ မကောင်းရင်မကောင်းသလောက်လည်း ပျင်းစရာကောင်းတယ်၊ လိုရင်းမရောက် ဖြစ်တတ်ပါတယ်။ Debate မှာ Moderator လုပ်သူတွေ၊ အင်တာဗျူးလုပ်သူတွေ၊ ဘောလုံးပွဲသုံးသပ်သူတွေ၊ ဒါတွေဟာ ဒီအထဲမှာ အကျုံးဝင်ပါတယ်။

၂။ Facilitation skill အရေးကြီးလား

အမှတ်တမဲ့ ကြည့်လိုက်ရင် ဒါက ဟောပြောသူတွေ၊ အစီအစဉ်တင်ဆက်သူတွေမှာမှ ရှိထားရမယ့် ကျွမ်းကျင်မှုတစ်ခုလို့ ထင်ချင်စရာပါ။ တကယ်တော့ မဟုတ်ပါဘူး။
ရုံးတိုင်း၊ အဖွဲ့အစည်းတိုင်
းမှာ အစည်းအဝေးလုပ်ကြရပါတယ်။ အဲဒီအစည်းအဝေးက လူစုရုံသက်သက် မဟုတ်ဘဲ ရလဒ်တခုခု ထွက်ချင်တယ်ဆိုရင် Facilitate ကောင်းကောင်း လုပ်နိုင်ဖို့ လိုပါတယ်။
ကိုယ့်ဌာနအလိုက်
ပိုအောင်မြင်ဖို့အတွက် ဘာတွေလုပ်ဖို့ လိုအပ်မလဲဆိုတာကို ကိုယ့်လက်အောက်ကလူတွေနဲ့ ဆွေးနွေးကြမယ်ဆိုလည်း လိုတာပါပဲ။
နောက်ဆုံးကုန်ကု
န်ပြောရရင် သမီးရည်းစားနှစ်ယောက် လက်ထပ်ဖုိ့ တိုင်ပင်ကြတဲ့နေရာမှာတောင် ဒီအရည်အသွေးရှိထားဖို့ လိုပါတယ်။
ရုံးတွေ၊ ဆွေးနွေးပွဲတွေမှာ သတိထားလိုက်ကြည့်ပါ။ အဲ့လိုလုပ်နိုင်တဲ့သူ သိပ်များများစားစား မရှိပါဘူး။ ဒါကြောင့် ဒီအရည်အသွေးဟာ ကျောင်းမှာ၊ အလုပ်မှာ၊ ကိုယ့်ပရော်ဖက်ရှင်မှာ သက်ဆိုင်ရာကျွမ်းကျင်မှုချင်း တူလာတဲ့အခါ ကိုယ့်ကို ခေါင်းတစ်လုံးသာစေပါလိမ့်မယ်။

၃။ Key competencies of a facilitator

ဒါဖြင့် Facilitator ကောင်းတစ်ယောက်မှာ ဘယ်လိုအရည်အသွေးတွေ ရှိဖို့ လိုမလဲ။
အသေးစိတ်အများကြ
ီး ရှိပါတယ်။ အဓိကကျတာတွေကိုပဲ ပြောပါ့မယ်။

၁) Big picture ရှိထားဖို့

ပွဲမစခင်မှာ ဒီဆွေးနွေးပွဲတစ်ခုလုံးကို ခြုံငုံပြီး မြင်ထားဖို့ လိုပါတယ်။ အဓိက Key Frame ကို ကိုင်ထားရပါမယ်။ ခုဆွေးနွေးမှုပြီးသွားတဲ့အခါ ဘာဖြစ်သွားစေချင်တယ် ဆိုတဲ့ ရည်ရွယ်ချက် အရင်ဆုံး ချရမယ်၊ ပြီးမှ အဲဒီရည်ရွယ်ချက်ထိဖို့ ငါ ဘာတွေပြောမလဲ၊ ဘာမေးခွန်းတွေ မေးမလဲ၊ ဘယ်လိုနည်းလမ်းတွေ သုံးမလဲ၊ ဘာအထောက်အကူပစ္စည်းတွေ ယူမလဲ၊ ဘယ်အပိုင်းကို ဘယ်နှမိနစ် သုံးမလဲ၊ ဒါမျိုး ပြင်ဆင်ရမယ်။
ဒါမှ လွဲနေရင် ဆွဲတည့်နိုင်မယ်
၊ ကြာလွန်းနေရင် ဖြတ်ချနိုင်မယ်။ အဲဒီလိုရှိမထားရင် အချိန်ကျော်ကုန်တာတို့၊ အကြောင်းအရာတစ်ခုတည်းမှာတင် ကြာကုန်တာတို့၊ ဒါမှမဟုတ်လည်း ရလဒ် မယ်မယ်ရရ ထွက်မလာဘဲ အစောကြီးပြီးကုန်တာတို့ ဖြစ်တတ်ပါတယ်။

၂) Knowledge, Knowledge, Knowledge

အဟောအပြောနဲ့ပတ်သက်တဲ့သင်တန်းတွေဖွင့်၊ စာအုပ်တွေရေးပြီး ကမ္ဘာကျော်သွားတဲ့ ဒေးကာနက်ဂျီက သူ့သင်တန်းလာတက်သူတွေကို အရင်ဆုံး ဘာလုပ်ခိုင်းလဲဆိုရင် ပြောချင်တာကို ပြောချင်သလို လွတ်လွတ်လပ်လပ် ပြောခိုင်းတာနဲ့ စပါတယ်။ လူတွေဟာ ကိုယ့်အကြောင်း၊ တစ်နည်းအားဖြင့် ကိုယ်ပိုင်နိုင်တဲ့အကြောင်းကို ပြောရတဲ့အခါ ပုံမှန်ထက် ယုံကြည်မှုပိုရှိကြတာပေါ့။ အဲဒီလိုနဲ့ စကားပြောဖို့ ရဲလာပြီး အဟောအပြောကောင်းသူတွေ ဖြစ်လာကြတယ်။ ဆိုလိုတာက ယုံကြည်မှုသည် ကျွမ်းကျင်မှုကနေ လာတယ်။ ဘယ်ပွဲမျိုးမှာ Facilitate လုပ်သည်ဖြစ်စေ၊ သက်ဆိုင်ရာ အသိပညာနဲ့ ကြိုတင်ပြင်ဆင်မှု ရှိထားဖို့ မဖြစ်မနေ လိုပါတယ်။ အဲဒီအခါ ကိုယ့်ကိုယ်ကိုယ်ယုံကြည်မှုအပြည့်နဲ့ Facilitate လုပ်နိုင်ပါလိမ့်မယ်။

၃) Communication skill

ဒီအကြောင်းက စာအုပ်တစ်အုပ်ရေးလို့ရလောက်အောင်ကို ကျယ်ပြန့်ပါတယ်။ ဒီမှာတော့ အရေးကြီးဆုံးတစ်ချက်ပဲ ပြောပါ့မယ်။ လူတွေကြားထဲမှာ ကြုံနေရတဲ့ ပြဿနာတော်တော်များများဟာ Communication gap ကြောင့် ဖြစ်တာပါ။ ဒါဖြင့် အဲဒီ Communication gap ဘာကြောင့်ဖြစ်လဲဆိုတော့ တော်တော်များများက ကိုယ်နားလည်သလို သူတို့လည်းနားလည်မယ်လို့ ထင်တတ်ကြတာကြောင့်ပါ။ဒါကြောင့် Communication ကောင်းချင်ရင် Empathy ရှိဖို့ လိုပါတယ်။ ကိုယ့်နေရာမှာ သူ့ခေါ်မကြည့်ပါနဲ့၊ သူ့နေရာမှာသာ ကိုယ်ဝင်ကြည့်ပါ
ကိုယ်က English လိုညှပ်ညှပ်ပြော
လို့ နားလည်တိုင်း သူတို့လည်း နားလည်မယ် မထင်ပါနဲ့။
ကိုယ်က စကားမြန်မြန်ပြေ
ာလို့ နားလည်တိုင်း သူများတွေလည်း နားလည်မယ် မထင်ပါနဲ့။
ကိုယ်က နေ့စဉ်အီးမေးလ်စ
စ်တတ်လို့ သူများတွေလည်း စစ်လိမ့်မယ်ထင်ပြီး ဖုန်းမဆက်ဘဲ အီးမေးလ်နဲ့ပဲ ပြောလိုက်တာမျိုး မလုပ်ပါနဲ့။

၎) ဟာသဥာဏ်နဲ့ ဗဟုသုတ

ဆွေးနွေးပွဲတစ်ခု မြိုင်ဖုိ့ဆိုတာ ဆွေးနွေးသူတွေစိတ်ထဲမှာ ပေါ့ပေါ့ပါးပါးခံစားမှုရှိနေဖို့ လိုပါတယ်။ စိတ်ထဲမှာ တခုခုကြီး ခံနေရင် ဆွေးနွေးပွဲကလည်း အေးစက်နေတတ်ပါတယ်။ တိုင်းရင်းသားတွေ၊ ကလေးတွေ၊ စသဖြင့် လူမျိုးရေး၊ ဘာသာရေး၊ ကျားမ၊ အသက်အရွယ်၊ အသိပညာ၊ ဆင်းရဲချမ်းသာ ကွာဟမှုကြီးလေလေ အဲဒီလို Icebreaking လုပ်ပေးဖို့ လိုလေလေပါပဲ။ ဒါကြောင့် Facilitator လုပ်မယ့်သူတွေဟာ တက်လာမယ့် Participant တွေရဲ့ အကြောင်း သိထားဖို့၊ ဟာသဥာဏ်နဲ့ သက်ဆိုင်ရာ ဗဟုသုတတွေ ရှိထားဖို့ လိုပါတယ်။ 

ဥပမာ လူငယ်တွေကို ပြောမယ်ဆို လူငယ်တွေကြားမှာ
ဘယ်လိုစကားတွေ ခေတ်စားနေသလဲ၊ FA တို့ ကွီးတို့ ခေးတို့ ဒါမျိုးတွေပေါ့။ ဒါဆို သူတို့နဲ့ ကိုယ်နဲ့ကြားမှာ ရှိနေတဲ့ ခြားနားမှုတွေက အတိုင်းအတာတစ်ခုထိ လျော့သွားပါလိမ့်မယ်။ အကျိုးဆက်အနေနဲ့ ဆွေးနွေးပွဲလေးက မြိုင်လာပါလိမ့်မယ်။

၅) အုပ်စုကို ထိန်းချုပ်နိုင်ဖို့

*အားလုံးကို အာရုံစိုက်ထားနိုင်ပါစေ-
အဖွဲ့ထဲမှာ အိပ်ငိုက်နေတဲ့သ
ူပါမယ်၊ လုံးဝပါဝင်မဆွေးနွေးတဲ့သူပါမယ်၊ တခြားအာရုံရောက်နေတဲ့သူပါမယ်၊ ဒီလူတွေအားလုံးအပေါ်မှာ အာရုံဖြန့်ကျက်ထားပြီး ဘယ်သူ ဘာဖြစ်နေတယ်ဆိုတာ သိနေဖို့ လိုပါတယ်။ လိုအပ်တဲ့တုံ့ပြန်မှုလေးတွေ လုပ်ရမှာပေါ့။
အိပ်ငိုက်နေတဲ့သ
ူကို စာကြောင်းဖတ်ပြခိုင်းတာတို့၊ ငြိမ်နေတဲ့သူကို ပါဝင်ဆွေးနွေးဖို့ ခေါ်တာတို့၊ တခြားအာရုံရောက်နေသူဆိုလည်း နာမည်တပ်ခေါ်ပြီး အဆင်ပြေရဲ့လား မေးတာတို့ လုပ်လို့ရပါတယ်။ ဒီလိုပဲ၊ နေမကောင်းနေတဲ့သူ တွေ့ရင်လည်း သူဘာလိုအပ်လဲ မေးပါ၊ ဂရုစိုက်ပါ။

*အားပေးပါ၊ အရှက်မရပါစေနဲ့-

ကိုယ်က တခုခုမေးလိုက်တဲ
့အခါ ဖြေပြီဆိုပါတော့၊ သူ့အဖြေကြီးက တက်တက်စင်အောင် လွဲနေရင်တောင် မှားတယ်၊ လွဲတယ် မပြောပါနဲ့၊ ဒါကိုဆိုလိုတာထင်တယ်နော် ဆိုပြီး သူ့အဖြေကို ကိုယ်ဒီလိုနားလည်လိုက်သယောင် အမှန်ဘက်ကို အတင်းဆွဲတည့်လိုက်တာမျိုး လုပ်ပါ။ ပါဝင်ဆွေးနွေးသူတိုင်းကို အားပေးပါ။ သူတို့အဖြေကို လှောင်ပြောင်လိုက်တာ၊ နောက်မှပြောပါ ဆိုပြီး ပိတ်ပင်လိုက်တာမျိုး လုပ်လိုက်မိရင် မကျေမနပ်ဖြစ်စေမယ်၊ အသံတွေ တိတ်ကုန်ပါလိမ့်မယ်။

*အခြေအနေပေါ် မူတည်ပြီး တုံ့ပြန်ပါ- 

Flexibility အရေးကြီးပါတယ်။ ဆိုလိုတာက အစက ကိုယ့်အစီအစဉ်မှ
ာ မပါတာတွေကို အခြေအနေကြည့်ပြီး လုပ်သင့်လုပ်ဖို့ပါ။ ဥပမာ မိုက်ခ်ပျက်သွားတယ်၊ အသံတွေဆူညံလာတယ်၊ လူတွေက အိပ်ငိုက်နေကြတယ်၊ ဒါမျိုးထင်မထားတာတွေ ဖြစ်လာပြီဆိုရင် ပိုအဆင်ပြေနိုင်မယ့်နည်းလမ်းဘက်ကို ပြောင်းလိုက်တာမျိုး လုပ်တတ်ဖုိ့ လိုပါတယ်။

၆) EQ မြင့်ဖို့

ဆွေးနွေးပွဲဖြစ်တဲ့အတွက် လူပေါင်းစုံပါမယ်၊ အဲဒီလူပေါင်းစုံဆီကနေ အသံပေါင်းစုံ ကြားချင်လို့ပဲ ကိုယ်က Facilitate လုပ်နေတာဆိုတော့ ဒါကို မလွဲမသွေ ရင်ဆိုင်ရပါမယ်။ သူချည်းပြောချင်နေတဲ့သူပါမယ်၊ လိုက်နှောင့်ယှက်နေတဲ့သူပါမယ်၊ အပြောအဆို ရိုင်းတဲ့သူပါမယ်၊ ကိုယ်ပြောနေတာတွေကို သိပြီးသားတွေပါကွာ ဆိုတဲ့မျက်နှာပေးနဲ့လူတွေပါမယ်။ အဲဒါမျိုးတွေ ကြုံရပြီဆို ဘယ်သူမဆို ဒေါသထွက်ပါတယ်။ ဒါပေမယ့် အဲဒီဒေါသကို အပြင်ရောက်မလာအောင်၊ တစ်နည်းအားဖြင့် ကိုယ့်မျက်နှာ၊ ကိုယ့်အသံ၊ ကိုယ့်လှုပ်ရှားမှုတွေဆီ ရောက်မလာအောင် ထိန်းချုပ်နိုင်ဖို့ လိုပါတယ်။ ဒီအတိုင်း သည်းခံပြီး ထိုင်ကြည့်နေရမှာလည်း မဟုတ်ပါဘူး။ ပရော်ဖက်ရှင်နယ်ပီပီသသ တုံ့ပြန်ရပါမယ်။
အမေရိကန်သမ္မတ အိုဘားမားရဲ့ သမီးက ဘာဂါဆိုင်မှာ အလုပ်ဝင်လုပ်ပါတယ်၊ ပိုက်ဆံလိုလို့လား၊ စတန့်ထွင်တာလား။ မဟုတ်ပါဘူး။ ဘယ်ကျောင်း၊ ဘယ်တက္ကသိုလ်ကမှ သင်မပေးနိုင်တာကို သွားသင်တာပါ။ ဘာလဲဆိုတော့ လူတန်းစားပေါင်းစုံနဲ့ ဆက်ဆံနိုင်စွမ်း ပါပဲ။ အရိုင်းအယဉ်၊ အဖြူအမည်း၊ ပညာတတ်ပညာမဲ့၊ ဒီလိုလူပေါင်းစုံကို အောင်အောင်မြင်မြင် ဆက်ဆံနိုင်ဖို့ သွားသင်တာပါ။ ဒါကြောင့် ဒီလိုလူတွေ တွေ့တိုင်း တွေ့တိုင်းမှာ စိတ်ညစ်စရာ လို့ မတွေးပါနဲ့။ ကျောင်းကမသင်ပေးနိုင်တာကို လာသင်ပေးနေတဲ့သူတွေလို့ မြင်ပေးပြီး အကောင်းဆုံးဆက်ဆံကြည့်ပါ။ မအောင်မြင်ရင်တောင် အတွေ့အကြုံတော့ ရစေပါလိမ့်မယ်။

ဒါကြောင့် အချက်(၆)ချက်ကို ပြန်ပြောပါမယ်။

1. Big picture
2. Knowledge
3. Communication
4. Sense of humor & Icebreaking
5. Group management
6. Emotion Intelligence တို့ ဖြစ်ပါတယ်၊၊


ဒေါက်တာ ဖြိုးသီဟ
၈.၁၁.၂၀၁၆


https://m.facebook.com/phio.thiha


No comments:

Post a Comment

Blogger Tips and TricksLatest Tips And TricksBlogger Tricks


တင်သမျှပိုစ့် သင့် Email ထဲကနေဖတ်ချင်ရင်/ရောက်နေစေရန်.ပြုလုပ်ပေးပါ  (လေလွင့်နေတဲ့လူ)



အကြံပြုပါ..ပြောချင်တာရှိလျှင်