" သမီးရေ ဒီမှာ ဒါလေးလာကြည့်ပါဦး" ဆိုသော တီဗွီရှေ့ မှအဖေ့ခေါ်သံကြားရလျှင် သေချာပြီ။
သူသတင်းလိုင်းတစ်ခုခုကြည့်ရင်းဘာသာပြန်ပေးဖို့ အကူအညီတောင်းပြီ။ရှမ်းလူမျိုးဖြစ်သောအဖေသည် မြန်မာစကား၊ရှမ်းစကားနှင့်ထိုင်းစကားတတ်သည်။ထိုင်းစကားကတော့အဖေငယ်စဉ်ကမိသားစုဆင်းရဲလွန်း၍ကိုရင်ဝတ်အဖြစ်နဲ့ ထိုင်းနယ်စပ်ရှိဘုန်းကြီးကျောင်းသို့ အဘိုးအဘွားများကကျောင်းအိပ်ကျောင်းစားပို့ ပြီးဆယ်နှစ်ခန့် နေစေခဲ့သောကြောင့်။တကယ်တော့အဖေ့အနေနှင့်ထိုင်းသတင်းရုပ်သံလိုင်းများကိုကြည့်လို့ ရပါသည်။သို့ သော်"ငါ့သမီးအသံကိုကြားချင်လို့ "ဟုဆိုကာတရုတ်ရုပ်သံလိုင်း၊အင်္ဂလိပ်ရုပ်သံလိုင်းများကိုဖွင့်ပြီးသတင်းများကိုဘာသာပြန်စေသည်။
ခြံလုပ်ငန်းများနှင့် နေ့တိုင်းလုံးပန်းနေသောအဖေ့အတွက်ညနေခင်းအပန်းဖြေရာမှာသားသမီးများနှင့်စကားလက်ဆုံကျနိုင်ရန်၊နွေးနွေးထွေးထွေးနေနိုင်ရန်သာဖြစ်သည်။သို့ သော်လည်းတစ်နေကုန်မျက်နှာချင်းဆုံရန်မအားသောမိသားစုတစ်ခုမှာ ပြောစရာခေါင်းစဉ်များများမရှိခဲ့။သတင်းများကပင်အကောင်းဆုံးခေါင်းစဉ်ဖြစ်လေသည်။တရုတ်ရုပ်သံသတင်းများ၊အင်္ဂလိပ်ရုပ်သံသတင်းများဘာသာပြန်ပြတိုင်းအဖေကအမြဲတမ်းပြုံး၍နားထောင်လေ့ရှိသည်။တစ်ခွန်းမှပြန်မပြော။ ခြံလုပ်ငန်းပင်ပင်ပန်းပန်းလုပ်ခဲ့ရပြီးကြမ်းရှနေသောသူ၏လက်အစုံဖြင့်သူ့ သမီးလက်ကိုတင်းတင်းဆုပ်ကိုင်ရင်းသာတစ်ချက်တစ်ချက်"အင်း""အင်း"ဟု ပြန်ပြောတတ်သည်။
အဖေသည်ညာဘက်နားလည်းမကြားရချေ။ဒါကလည်းငယ်စဉ်ကသင်္ကြန်တစ်ခုမှာဟိုင်းလတ်ကားကိုယ်တိုင်မောင်းပို့ ရင်းကျုံးဘေးအရောက်ကလေးတွေဘာစားမလဲဟု မေးဖို့ ကားမှန်တံခါးအချမှာမီးသတ်ပိုက်နှင့်အထိုးခံရပြီးနားစည်ပေါက်သွားခဲ့သောကြောင့်။ထို့ ကြောင့်သတင်းများဘာသာပြန်ပေးရတိုင်းအဖေ့ဘယ်ဘက်မှာထိုင်ပြီးဘာသာပြန်ပေးရသည်။တကယ်တော့အဖေ့ကိုသတင်းတွေဘာသာပြန်ပေးရတာအတော်ပင်ပန်းပါသည်။မျက်စိကသတင်းများကိုကြည့်နေရသည်။နားကအသံများကိုနားထောင်ရသည်။တစ်ခါတရံမသိသောစကားလုံးများပါလာပါကလက်မှချရေးပြီးdictionary ပြန်လှန်ရသည်။တရုတ်ဘာသာမှလည်းကောင်း၊အင်္ဂလိပ်ဘာသာမှလည်းကောင်းသတင်းများကိုပါးစပ်ကမြန်မာလိုပြန်ပြန်ပြောပေးရသည်။နားတစ်ဖက်သာကြားသောအဖေအတွက်အသံတအားတိုးလျှင်လည်းအဆင်မပြေ။အလုံးစုံချဘာသာပြန်လိုက်လျှင်လည်းကိုယ့်အသံပဲကိုယ်ကြားပြီးတီဗွီကအသံနားထောင်ဖို့ လွတ်သွားတတ်သည်။တစ်ခါတရံတော့ဘာသာပြန်ပေးရတာသိပ်စိတ်မရှည်ချင်။အဖေ့ဘာသာထိုင်းရုပ်သံတွေကြည့်လည်းရနေတာပဲဟု ငြူစူချင်သည်။
သို့ သော်တီဗွိကိုစိုက်ကြည့်ရင်းသူ့ သမီးဘာသာပြန်သမျှကို ပြုံးပြီးနားထောင်နေသောအဖေ့မျက်နှာမြင်တိုင်းထိုစိတ်ကပျောက်သွားရသည်။အဖေကမကြားလိုက်ဘူးဟုပြောတိုင်းခပ်ကျယ်ကျယ်ပြန်ပြောမိလျှင်လည်းအဖေ့မျက်နှာကဝမ်းနည်းသွားတတ်သည်။ထိုအခါမျိုးမှာအဖေကဒီစာတွေမသင်ခဲ့ရပေမယ့်သူကျောင်းထားပေးလို့ သာငါတရုတ်စာ၊အင်္ဂလိပ်စာတတ်နေတာပဲဟူသောစိတ်သွင်းမိတိုင်းအဖေ့အပေါ်သတင်းဘာသာပြန်ပေးရသည့်အလုပ်ကိုကြည်ဖြူတတ်လာခဲ့သည်။
သတင်းတွေကြည့်ပြီးပါကလည်းဘာသာပြန်ပြီးရုံနှင့်ဒီအတိုင်းပြီးမသွားခဲ့။ထိုသတင်းများကို ပြန်၍သုံးသပ်စေသည်။အဖေနှင့်ပြန်ဆွေးနွေးသည်။ပြီးတော့အဖေကဒီနေရာမှာသမီးဒီလိုဘာသာပြန်လိုက်ရင်စကားလုံးပိုကျစ်လျစ်မသွားဘူးလားစသဖြင့် ထောက်ပြသည်။ဤသို့ ဖြင့်သတင်းများကိုဘာသာပြန်ပေးရာတွင်လိုရင်းတိုရှင်း၊ထိထိမိမိ၊ဆိုလိုရင်းရောက်အောင်ပါးစပ်ကစာစီတတ်လာသည်။ဦးနှောက်ကလည်းပိုတွေးတတ်လာသည်။ဤသို့ ဖြင့်ညနေတိုင်းအဖေနဲ့ အတူသတင်းကြည့်သောအကျင့်ဖြစ်လာခဲ့သည်။ကိုးတန်းနှင့်ဆယ်တန်းနှစ် ဘော်ဒါဆောင်နေစဉ်ကာလများ၊အဖေ မြစ်ကြီးနားသို့ သွားကာရာဘာခြံလုပ်သောကာလများမှလွဲ၍အဖေအိမ်မှာရှိတိုင်းအဖေနှင့်အတူသတင်းကြည့်ရင်းသတင်းများဘာသာပြန်ပေးဖြစ်ခဲ့သည်။
အဖေအိမ်မှာမရှိသော၊ခရီးထွက်နေသောကာလများမှာလည်းကိုယ်တိုင်သတင်းကြည့်တတ်သောအကျင့်၊နားထဲမှာတရုတ်စကား၊အင်္ဂလိပ်စကားများကြားရုံနှင့် မြန်မာလိုစကားလုံးစဉ်းစားတတ်သောအကျင့်၊ ပြန်လည်ဘာသာပြန်ရာမှာအသံနှုန်းတစ်ခုနှင့်ခပ်မှန်မှန်ပြန်ပြောတတ်သောအကျင့်၊သတင်းတစ်ခုအပေါ်ပြန်သုံးသပ်တတ်သောအကျင့်၊စကားလုံးများနားရည်ဝသောအကျင့်၊မသိသေးသောစကားလုံးအသစ်များ ပြန်လေ့လာတတ်သောအကျင့်များအပြင်နိုင်ငံတကာသတင်းများကိုလည်းဆာလောင်ခုံမင်တတ်သောအကျင့်များရခဲ့ပါသည်။ထိုအကျင့်မှာဆယ်နှစ်သမီးမှစအဖေလေ့ကျင့်ပေးခဲ့ခြင်းဖြစ်သည်။ယခုအသက်နှစ်ဆယ်ရှိပြီ။အဖေ့ကိုဘာသာပြန်သူအဖြစ်လုပ်ပေးခဲ့သည့်သက်တမ်းလည်းဆယ်နှစ်ခန့် ရှိပေပြီ။
ငယ်တုန်းကတော့အဖေဘာကြောင့်ထိုင်းရုပ်သံတွေကိုယ်တိုင်မကြည့်ဘဲသမီးဖြစ်သူကိုတရုတ်လို၊အင်္ဂလိပ်လိုတွေမှတစ်ဆင့် မြန်မာလိုဘာသာပြန်ခိုင်းသလဲနားမလည်ခဲ့။အဖေဘာကြောင့်နားတစ်ဘက်ထဲကနေသူ့ သမီးအသံတစာစာကိုမက်ခဲ့သလဲနားမလည်ခဲ့။အဖေဘာကြောင့်သမီးဘာသာပြန်ပေးသောသတင်းကိုမှနားထောင်ချင်ခဲ့သလဲနားမလည်ခဲ့။အခုတော့နားလည်ခဲ့ပါပြီ။
စာအရေးအသားများနှင့်ပတ်သက်၍ တော်သည်ဟု ချီးကျူးခံရတိုင်း ၊အဖေ့ကိုသာ ပြေးမြင်ယောင်မိသည်။
တကယ်တော့ ကျွန်မသည်
"ဖေဖေ၏ တော်သောသမီးတစ်ယောက်"မဟုတ်ခဲ့ပါ။
"တော်သောဖေဖေ၏ သမီးတစ်ယောက်"သာဖြစ်ပါတော့သည်။
-
No comments:
Post a Comment