သေခါနီးလေ . . . ပျော်စရာကောင်းလေ
ခန္ဓာကိုယ်တွင်းရှိကလီစာများအားဖြတ်တောက်ခံရသကဲ့သို့ခံစားမှု၊အရိုးအကြောများအပိုင်းပိုင်းရိုက်ချိုးခံရသသို့ခံစားမှု၊နှလုံးသားအားဆုပ်ကိုင်ဖြစ်ညှစ်သကဲ့သို့ခံစားမှု၊အသက်ရှူလမ်းကြောင်းအားဖိညှစ်ပိတ်စို့ခြင်းခံရသကဲ့သို့ခံစားမှု၊အသွေးအသားများ ဖောက်ထုတ်စုတ်ယူခံရသကဲ့သို့ခံစားမှုစသည့်အနိဠာရုံခံစားမှုများသည်ခန္ဓာကိုယ်မှ ဖြစ်ပေါ်လာခဲ့ရသည်။ဤသည်ကားကိုယ်ခန္ဓာ(ကာယကံ)ခံစားမှုများတည်း။
အသံနက်ကြီးဖြင့်စိမ်းစိမ်းဝါးဝါး အော်လိုက်သံ၊အမေကယ်ပါ…အဖေကယ်ပါဟူ၍ညည်းညူ အော်ဟစ်သံ၊ကျိတ်မနိုင်၊ခဲမနိုင်ဖျစ်ညှစ်အော်လိုက်သည့်အသံများ၊အထိတ်တလန့်လျှပ်တစ်ပြက် အော်ဟစ်လိုက်သံ၊ခြောက်ခြားဖွယ်ထွက်ပေါ်လာသောအံကြိတ်သံ၊ ဖြေညှင်းစွာလေသံပျော့ဖြင့်ညည်းတွားလိုက်သံစသည့် နှုတ်ဝဇီမှထွက်ပေါ်လာသောခံစားမှုများသည်ဝဇီတည်းဟူသောမိမိ၏နှုတ်ခမ်းများမှထွက်ပေါ်လာသောအသံများပင်ဖြစ်သည်။ဤသည်ကား နှုတ်ခမ်းပါးစပ်မှ(ဝဇီကံ)ခံစားမှုများပင် ဖြစ်သည်။
လူတို့၏စိတ်အလျင်တို့သည်ကာယကံ၊ဝဇီကံတို့အပေါ်တွင်အမှီသဟဲပြုသည်။စိတ်ကြောင့်ခန္ဓာကိုယ်မှလှုပ်ရှားမှုများ ပြုလုပ်ခဲ့သလိုစိတ်ကြောင့်ပင်ဝဇီကံဖြစ်သော နှုတ်မှပြောစကားများထွက်ပေါ်လာသည်။ထိုကဲ့သို့ပင်ကာယတည်းဟူသောခန္ဓာကိုယ်၏ ဖြစ်ပျက်ခံစားမှုတို့ကြောင့်ဝဇီတည်းဟူသော နှုတ်မှလည်းအသံမျိုးစုံထွက်ပေါ်လာခဲ့ရသည်။ဤသည်ကားစိတ်(မနောကံ)၏ခံစားမှုများပင်ဖြစ်သည်။
လူတို့သည်ကျန်းမာနေစဉ်အချိန်ကာလများ၌စိတ်ဦးဆောင်မှုဖြင့်ခန္ဓာကိုယ်မှလှုပ်ရှားခြင်း၊ နှုတ်ခမ်းများ၊ပါးစပ်များမှပြောဆိုခြင်းအမှုများကိုပြုလုပ်တတ်ကြသည်။ ဝေဒနာခံစားနေရသောအချိန်ဖြစ်သည့်ကျန်းမာရေးချို့ယွင်းပြီးသေအံ့ဆဲဆဲဖြစ်နေသည့်အချိန်တွင်ခန္ဓာကိုယ်၏ခံစားမှုအသီးသီးတို့အပေါ်မှုတည်၍နာကျင်မှုခံစားရမှုများအပေါ်ဝဇီ(နှုတ်)မှညည်းညူးအော်ဟစ်ညည်းတွားသံများ ဖြစ်ပေါ်လာခဲ့ရသည်။ထိုအခါမနောတည်းဟူသောစိတ်အလျင်တို့သည်မိမိတို့၏သံယောဇဉ်များ၊ကိလေသာတဏှာများ၊ပစ္စည်းဥစ္စာများ၊သားသမီး-မြေး-မြစ်များ၊ဆွေမျိုးမိတ်ဆွေများ၊တိုက်တာအိုးအိမ်များ၊ ရွှေငွေလက်ဝတ်ရတနာများနှင့်မိမိတို့စွဲလမ်းတပ်မက်ခဲ့မှုများအပေါ် တောင်းတမှုများဖြစ်ပေါ်လာခဲ့သည်။ထိုကဲ့သို့ သေအံ့ဆဲဆဲလူတို့တွင်ထိုသံယောဇဉ်အမျှင်အတန်းများဖြစ်ပေါ်လာခဲ့ပါကဘဝကူးကောင်းမည်မဟုတ်ချေ။
မည်မျှပင်လူ့လောကကောင်းကျိုးကိုလုပ်ဆောင်ပေးခဲ့စေကာမူဘဝကူးခါနီးအချိန်စက္ကန့် လေးအတွင်းအကုသိုလ်ကိစ္စရပ်ဖြစ်စေ၊သံယောဇဉ်အမျှင်အတန်းလေးတစ်ခုဖြစ်စေသမုဒယသစ္စာ ပေါ် ပေါက်လာပါကဘဝကူးပြောင်းမှုသည် ရှောရှောရှူရှူ ဖြစ်မည်မဟုတ်။ဤအချိန်အပိုင်းအခြားလေးသည်အလွန်အရေးကြီးလှပေသည်။မည်သူ့ကိုမျှဒုက္ခမပေးခဲ့သောအရက်သမားတစ်ဦးသည်ဘဝကူးပြောင်းခါနီးအချိန်လေးတွင်သရဏဂုံကြောင့်တည်ခွင့်ရခဲ့သည့်အတွက်နတ်ပြည်သို့ရောက်ရှိခဲ့ကြောင်းဘုရား ဟောထဲတွင်ပါရှိခဲ့သည်။ထိုကဲ့သို့ဘဝကူးကောင်းရန်အတွက်ကျွန်ုပ်တို့သည်ကောင်းမှုကုသိုလ်ရေးကိစ္စရပ်များအားစဉ်ဆက်မပြတ်လုပ်ဆောင်နေပါမှထိုကောင်းမှုအရှိန်ကြောင့်ဘဝကူးကောင်းဖို့လွယ်ကူမည်။သို့တည်းမဟုတ်အကုသိုလ်ကိစ္စများနှင့်ကျင်လည်နေမည်ဆိုပါကအသေလှမည်မဟုတ်၊ဘဝကူးကောင်းမည်မဟုတ်ချေ။
ကြောက်ရွံ့မှု၊စိုးရိမ်မှု၊နာကျင်မှု၊ ကြေကွဲမှုစသည့်ခံစားမှုမျိုးစုံတို့အတွက်ကျွန်တော်တို့ကိုယ်ချင်းစာစိတ်ဖြင့်ကြိုးစားဖေးမလိုစိတ် ဖြစ်ပေါ်လာသည်။လူ့ဘဝသက်တမ်း၏ နောက်ဆုံးအချိန်လေးအတွင်း ရောက်နေချိန်တွင်ဆင်းရဲသောမိသားစုဝင်များသာယခုကဲ့သို့သံယောဇဉ်အမျှင်တန်းခြင်းမျိုးကိုခံစားရသည်မဟုတ်။ချမ်းသာသောအသိုင်းအဝိုင်းကပို၍သာသံယောဇဉ်အမျှင်တန်းမှုမျိုး ဖြစ်ပေါ်စေသည်။ပိုင်ဆိုင်မှုများကြောင့်ပင်မဟုတ်ပါလား။“ဘာမှမလိုချင်ရင်…ဘာမှ ကြောက်စရာမရှိဘူး”ဟူ သောကျွန်တော်၏ဇနီး ရွှေဇီးကွက်၏ဖခင်ပြောစကားကားမှန်ကန်လှပေသည်။စဉ်ဆက်မပြတ်ကုသိုလ်ရေးများလုပ်ကိုင်နေကာမှ သေခါနီးတွင်ဘဝကူးကောင်းရန်အမှတ်သညာရရှိမည်ဖြစ်သည်။
အကြောင်းတရားကြောင့်အကျိုးတရားခံစားရမည် ဖြစ်တော့သည်။သို့ရာတွင်ယခုကဲ့သို့ဆုတ်ကပ်ကြီးထဲ ရောက်ရှိနေစဉ်လူသားအများစုတို့သည်ဘဝရပ်တည်ရေးအတွက်ရုန်းကန်လှုပ်ရှားမှုများကြောင့်ထိုအကုသိုလ်ဇောများကပ်တွယ်ညှိနေမှုတို့ကြောင့်ဘဝကူးကောင်းရန်ခက်ခဲလှတော့သည်။ထိုသို့သောဘဝကူးခါနီးစိတ်ပိုင်း၊ရုပ်ပိုင်းဆိုင်ရာခံစားချက်များအားကျွန်တော်တို့လျစ်လျူရှုထား၍မရတော့ချေ။ထိုသူတို့အားသွားရောက်၍ ဆေးသွင်းပေးခြင်း၊အားပေးစကား ပြောကြားခြင်းတို့နှင့်မလုံလောက်။ ရှောင်လွဲ၍မရသည့်အရာဖြစ်သောသေချင်းတရားသည်တစ်နေ့နေ့၊တစ်ချိန်ချိန်၊တစ်နေရာတွင်ကြုံတွေ့ရမည်။ထိုအခါ သေအံ့ဆဲဆဲ၊ သေအံ့မူးမူး၊ သေလုမျောပါး ဝေဒနာခံစားနေရသောလူများကို တွေ့ရှိရသောအခါဘယ်လိုများလုပ်ပေးရမလဲဆိုသည့်အတွေးမျိုးတွေးမိသည်။
(တစ်ချိန်က ရောဂါဝေဒနာခံစားနေရသောလူမမာတစ်ဦးမှ ငွေလှူဒါန်းမှုပြုလုပ်လိုကြောင်းအကြောင်းကြားခဲ့၍သွား ရောက်အလှူခံခဲ့ပြီးသာဓု…သာဓု…သာဓု ခေါ်ဆိုနိုင်ခဲ့သောဖြစ်ရပ်တွင်ထိုလူနာသည် နောက်ပိုင်းကျန်းမာသန်စွမ်းလာပြီး နှစ်ရှည်နေထိုင်သွားနိုင်ခဲ့ကြောင်းကိုယ်တွေ့ကြုံတွေ့ခဲ့ဘူးသည်။ နောက်တစ်ဦးမှာလည်းမဆုံးခင်စပ်ကြားလှူဒါန်းမှုပြုလိုသောဆန္ဒကြောင့်ကျွန်တော်တို့အားအကြောင်းကြားခဲ့၍ထိုလူနာရှိရာ နေအိမ်သို့သွားရောက်ခဲ့ရာကားလမ်းပိတ်ဆို့မှုများကြောင့်အတန်ငယ် နောက်ကျသွားခဲ့သည်။ထိုအချိန်လူနာ၏အိမ်သို့ဝင်ရောက်သည်နှင့်မိသားစုများ၏မျက်လုံးများသည် ကြေကွဲမျက်ရည်စများနှင့်ဆီးကြိုကြသည်။လှူဒါန်းမည့်လူနာထံသို့ကျွန်တော်တို့အား ခေါ်ဆောင်သွားခဲ့ရာလူနာသည်လက်ထဲတွင်လှူဒါန်းမည့်ငွေအားကျစ်ကျစ်ပါအောင်ဆုပ်ကိုင်ရင်းအသက်ကားမရှိတော့ချေ။ထိုဖြစ်ရပ်အားကျွန်တော်တို့၏လူမှုရေးသက်တမ်းတစ်လျှောက်ရင်နာဖွယ်ရာဖြစ်ရပ်ဖြစ်ခဲ့ရသည်။)ထို့ကြောင့်ကျွန်တော်တို့နာရေးကူညီမှုအသင်း(ရန်ကုန်)အနေဖြင့် သေဆုံးသွားသောဆင်းရဲချမ်းသာ၊လူမျိုးဘာသာမရွေးတို့အတွက်(အခမဲ့)သင်္ဂြိဟ်ပေးရုံဖြင့်တာဝန်ကျေပွန်ပြီဟုသတ်မှတ်၍မရချေ။ဘဝကူးပြောင်းခါနီး သေဆုံးအံ့ဆဲဆဲလူသားများအတွက်ဘဝကူးကောင်းရန်တာဝန်ကိုပါထမ်းဆောင်ရတော့မည်ဖြစ်သည်။
ထို့ကြောင့် ဝေဒနာခံစားနေရသောကျန်းမာရေးချို့တဲ့နေကြသောကာယကံရှင်တို့၏ဆန္ဒအလျှောက်ဖြစ်စေ၊မိသားစုဝင်တို့၏ဆနအလျှောက်ဖြစ်စေ၊ဆရာတော်သံဃာတော်တို့၏ မေတ္တာပို့သသံ၊သရဏဂုံ ဆောက်တည်မှုပေးသောတရားသံ၊မသေခင်စိတ်ချရသောတရားထူးတို့အားလိုလားတောင်းတခဲ့ပါလျှင်နာရေးကူညီမှုအသင်း(ရန်ကုန်)အနေဖြင့်ဆရာတော်သံဃာတော်တို့အားပင့် လျှောက်ကာကာယကံရှင်ရှိရာ ဆေးရုံ(သို့) နေအိမ်များသို့လိုက်လံပို့ဆောင်ပေးသောကောင်းမှုကုသိုလ် တော်ကြီးတစ်ရပ်အားလုပ်ဆောင်ပေးရန်ဆုံးဖြတ်လိုက်ရပါတော့သည်။ဘဝကူးမည့်သူများအတွက်ဘဝကူးကောင်းရန်လမ်းစတစ်ခုကိုကျွန်တော်တို့ ဗြဟ္မစိုရ်တရားလေးပါးလက်ကိုင်ပြု၍စတင်လမ်းဖောက် ပေးခဲ့ပြီ ဖြစ်တော့သည်။မြန်မာပြည်အရပ်ရပ်ရှိလူမှုရေးအသင်းအဖွဲ့များသည်လည်းဤကောင်းမှုတော်ကြီးအားလုပ်ဆောင်ကြရန်ဝန်လေးမည်မဟုတ်ဟုယုံကြည်မိပါသည်။
ထို့ကြောင့် သေခါနီးသောသူတို့အတွက်ရဲရဲကြီး သေရဲပြီးအရာအားလုံးအားသံယောဇဉ်ဖြတ်နိုင်ကြကာအမရပူရမဟာဂန္ဓာရုံဆရာတော်ကြီးအရှင်ဇနကာဘိဝံသ ဟောကြားထားသကဲ့သို့“သေခါနီးလေ ပျော်စရာကောင်းလေ”ဟူသောစကားရပ်အတိုင်းဘဝဘဝတို့သည်ကူးပြောင်းခြင်းလှပစေတော့မည့်ကုသိုလ်ကောင်းမှုတော်ကြီးတစ်ရပ်အား၂ဝ၁၃ဇူလိုင်(၁၉)ရက်(အာဇာနည်နေ့)မှစ...ယနေ့ထက်တိုင် ပြုလုပ်နေခြင်းဖြစ်သည်
No comments:
Post a Comment