ကိုလိုနီခေတ်တုန်းက အင်္ဂလိပ် အရေးပိုင်မင်းတစ်ယောက်ဟာ ၊မီးရထားလမ်းဖောက်လုပ်ဖို့အတွက် ၊ မန်လည်ဆရာတော်ဘုရားကြီးကို
မီးရထားလမ်းသစ် ဖောက်ရာမှာဖောက်လုပ်မယ့်မီးရထားလမ်းဟာ ကျောင်းဝင်းနဲ့မလွတ်တဲ့အတွက်ဆရာတော်ကြီးရဲ့ ကျောင်းတော်ကို ရွှေ့ပေးဖို့
စေလိုကြောင်း လျှောက်ထား ပြောဆိုပါတယ်.
ဆရာတော်ကြီးက ဖယ်ပေးဖို့မဖြစ်နိုင်ဘူး လို့မိန့်တဲ့အခါ
အင်္ဂလိပ်အရာရှိက ၊ ဒီနိုင်ငံဟာ အင်္ဂလိပ် အုပ်ချုပ်နေတဲ့ နိုင်ငံ ဖြစ်တဲ့အတွက်ပြောင်း ရွှေ့ပေးရမယ်လို့ ဆိုပါတယ် ။အဲဒီတော့ ဆရာတော်ဘုရားကြီးက ....
" တကာတော်ရဲ့ မိခင်က တကာတော်ရဲ့ ဖခင်ကို မချစ်မနှစ်သက်တော့လို့ ၊
တရုတ်ကို ယူလိုက်တယ် ဆိုပါစို့ ။
တကာတော့်မိခင်ဟာ တရုတ်ဖြစ်သွားပါသလား..... "
" မဖြစ်ပါဘူး ဆရာတော်
အမေကတော့ အမေပါပဲ ။ "
" ဒါဆိုရင် တရုတ်ကလည်း ဝက်သားစားလွန်းလို့ဆိုပြီး ကုလားကိုပြောင်းယူလိုက်တော့ရော ၊
တကာတော့်မိခင်ဟာ ကုလားဖြစ်သွားရောလား..... " ။
" မဖြစ်ပါဘူး ဆရာတော်
အမေကတော့ အမေပါပဲ ။ "
" အေး..... အဲဒီလိုပဲ ဒကာတော်.....
ဘယ်မင်းတက်တက် ဘယ်အစိုးရတက်တက်.....
သာသနာ့ နယ်မြေဟာ သာသနာ့ နယ်မြေသာ ဖြစ်တယ် " ။
ကျောင်းကပြန်အဆင်းမှာ စိတ်ထဲ မကြည်လင်တဲ့ အရေးပိုင်မင်းက ဆရာတော်ကြီးကို လျှောက်တယ် ။
" အရှင်ဘုရား..... ဒီအုတ်လှေကားထစ်တွေကိုလည်း အုတ်နဲ့လုပ်တာပါပဲ ၊
ဟိုမှာမြင်နေရတဲ့ အိမ်သာကိုလည်း အုတ်နဲ့လုပ်တာပါပဲ ။
ဘုရားဆင်းတုတော်တွေကိုလည်း အုတ်နဲ့လုပ်တာပဲဖြစ်လို့ ၊
အုတ်နဲ့လုပ်ထားတဲ့ လှေကားထစ်တွေ အိမ်သာတွေကို ရှိခိုးကန်တော့ရင်ရော ၊
အတူတူပဲ မဟုတ်ဘူးလား ဘုရား ။ "
" အေး..... ဒကာတော်.... ဒကာတော့်မှာ အမေရှိလား "
" ရှိပါတယ် ဆရာတော် "
" အမ နှမတွေရော ရှိလား "
" ရှိပါတယ် ဆရာတော် "
" ဇနီးမယားရော ရှိလား "
" ရှိပါတယ် ဆရာတော် "
" အေး..... ဒါဆိုရင်..... အားလုံးဟာ မိန်းမ အမျိုးအစားချည်းပဲ ဖြစ်တဲ့အတွက် ၊
ဇနီးမယားအပေါ် ဆက်ဆံပြုကျင့်သကဲ့သို့ ..... အမေ အမနဲ့ နှမတွေကိုပါ တစ်တန်းထားပြီး ဆက်ဆံပြုကျင့်လို့ ရနိုင်ပါ့မလား "
" အဲဒီလိုတော့ မရပါဘူး ဆရာတော် "
" အမေကို အမေလို.... အမကို အမလို..... နှမကို နှမလို.... သူ့နေရာနဲ့သူ ဆက်ဆံရပါတယ် "
" အေး..... အဲဒီလိုပါပဲ ဒကာတော် "
" အုတ်ချင်းတူပေမယ့် ဘုရားအုတ် သိမ်အုတ်နဲ့ ၊ အိမ်သာအုတ် လှေကားအုတ်တို့ဟာလည်း ၊
သူ့နေရာနဲ့သူ တန်ဖိုးချင်းကွာတယ်ဒကာတော် " ။
မှတ်သားဖွယ်ဖို့ မျှဝေလိုက်ပါတယ်.
No comments:
Post a Comment